ᐊᐘᔑᒣ 400,000 ᒥᓄᔭᐏᓂᐠ ᐅᑕᓄᐦᑭᐠ ᐊᔭᐘᐠ ᐅᒪ ᐅᐣᑌᕑᐃᐅ᙮ ᐅᑵᓂᐘᐠ ᑲᔦ ᒪᐡᑭᑭᐏᓂᐘᐠ, ᐅᒪᓇᐱᑌᐱᒋᑫᐠ, ᒪᐢᑭᑭᐏᑵᐠ, ᐘᐦᑲᐏᐏᓂᐠ ᒪᐡᑭᑭᐏᓂᓂᐘᐠ, ᐏᔭᐏᐠ ᐅᓇᓇᔑᓂᑫᐠ ᐁᑿ ᒥᔑᐣ ᑯᑕᑭᔭᐠ ᐊᐏᔭᐠ ᑲᔦ᙮ ᐅᐣᑌᕑᐃᐅ ᒥᓄᔭᐏᓂᐠ ᐅᐘᐍᓇᐦᒋᑫᐠ ᐃᑵᓂᐘᐣ 26 ᑭᑭᓄᐦᐊᒪᑫᐏᑲᒥᑯᐣ ᑲᐱᒥᑲᓇᐘᐸᑕᒧᐘᒋᐣ᙮ ᑭᑭᓄᐦᐊᒪᑫᐏᑲᒥᑯᐣ ᓂᑎᔑᐃᑲᓂᑯᒥᐣ, ᔕᑯᐨ ᑲᐏᐣ ᓂᓇᐏᐟ ᑭᑭᓄᐦᐊᒪᑐᐏᑲᒥᑯᐣ ᓇᐣᑕ ᐱᒧᒋᑫᐏᓇᐣ ᑲᓂᐸᐏᑕᒧᐘᐘᒋᐣ ᒥᓄᔭᐏᓂᐠ ᐅᑕᓄᐦᑭᐣ᙮ ᐅᐣᑌᕑᐃᐅ ᒥᓄᔭᐏᓂᐠ ᐅᐘᐍᓇᐦᒋᑫᐠ:
- ᓂᐘᐍᓇᐦᑐᒥᓇᐣ ᑫᐃᔑ ᐱᒥᐣᔕᐦᐃᑲᑌᓂᑭᐣ ᑫᐃᔑ ᑌᐱᓂᑲᑌᑭᐣ ᑲᐃᔑ ᐘᐍᓇᐦᑌᐠ ᒥᓄᔭᐏᓂᐠ ᐊᓄᐦᑭᐏᐣ ᐅᒪ ᐅᐣᑌᕑᐃᐅ᙮ ᐃᑵᓂᐘᐠ ᐁᐦᑕ ᑲᓇᑲᒋᑐᐘᐨ ᑲᐃᓇᑭᓯᐘᐨ ᒥᓄᔭᐏᓂᐠ ᐅᑕᓄᐦᑭᐠ ᒧᐡᑭᓀᐱᐦᐃᑲᓯᐘᐠ ᒋᔭᓄᐦᑭᐘᐨ᙮
- ᓂᐘᐍᓇᐦᑐᒥᓇᐣ ᐁᑿ ᓂᔑᒪᑲᓂᔑᑲᑕᒥᓇᐣ ᑲᐃᔑ ᐘᐍᓇᐦᑌᓂᑭᐣ ᐁᑿ ᑲᐃᔑ ᐅᓇᐦᒋᑲᓂᐘᐠ ᑫᑐᒋᑲᑌᐠ ᐊᓄᐦᑭᐏᓂᐠ ᐃᒪ ᑕᐡ ᑭᐣ ᐁᑿ ᑭᑎᐯᐣᒋᑫᐏᐣ ᑫᐏᒋᒥᓄᓭᔦᐠ, ᑿᔭᐠ ᑫᐃᔑᐱᒧᒋᑲᓂᐘᐠ, ᐁᑿ ᑫᐃᔑ ᓇᑲᒋᑐᐘᐨ ᐸᒥᐦᐃᐍᐏᓂᓂ/ᐏᒋᐦᐃᐍᐏᓂᓂ ᐃᑵᓂᐘᐠ ᑲᓇᑲᒋᑐᐘᐨ ᒥᓄᔭᐏᓂᐠ ᐅᑕᓄᐦᑭᐠ᙮
- ᓂᓇᑕᐍᐣᑕᒥᓇᐣ ᒥᓄᔭᐏᓂᐠ ᐅᑕᓄᐦᑭᐣ ᒋᐏᒋᑢᓂᐨ ᐃᒪ ᐱᒧᒋᑫᐏᓂᐠ ᑕᐦᓱᔭᐦᑭ ᑲᐏᒋ ᐏᒋᐦᐃᐍᓭᓂᐠ ᐅᑭᑫᐣᑕᒪᐏᓂᐘᐣ ᐁᑿ ᑲᐃᔑ ᑲᐡᑭᑐᐘᐨ ᑫᑯᓇᐣ ᒋᑐᑕᒧᐘᐨ ᒋᐱᒥᑭᑫᐣᑕᒧᐘᒋᐣ᙮
- ᓂᑿᔭᑎᓇᒥᓇᐣ ᒪᒪᑕᐘᐱᑯᐠ ᑲᐃᔑ ᓂᐱᑌᓯᓇᐦᐃᑲᓯᐘᐨ ᑲᒧᐡᑭᓀᐱᐦᐃᑲᓯᐘᐨ ᐅᑕᓄᐦᑭᐠ ᑫᐏᒋ ᐘᐸᑕᒪᐣ ᐊᐣ ᐁᐃᔑᓭᑵᐣ ᒣᑿᐨ ᐊᐍ ᐅᑕᓄᐦᑭ᙮
- ᓂᑲᒥᓂᑯᒥᐣ ᐁᑿ ᓂᑲᒣᒣᒋᑲᑐᒥᓇᐣ ᑫᑯᓇᐣ ᐁᑲ ᑲᓇᐦᐁᐣᒋᑲᑌᓂᑭᐣ ᐃᑵᓂᐘᐣ ᐅᒋ ᐅᑕᓄᐦᑭᐣ ᑲᐃᔑ ᐘᐍᓇᐦᓴᔭᑿ᙮
ᓇᔑᔭᐦᐃ ᐅᒪ ᓂᐱᑌᓯᓇᐦᐃᑲᑌᐘᐣ ᒪᒪᑕᐘᐱᑯᐠ ᑲᐃᔑ ᑕᑿᑭᐣ ᐃᑵᓂᐘᐣ ᑲᑭᓇ 26 ᐅᐣᑌᕑᐃᐅ ᒥᓄᔭᐏᓂᐠ ᐘᐍᓇᐦᒋᑫᐏᓇᐣ᙮ ᐃᒪ, ᑭᔭᐱᐨ ᐊᐘᔑᒣ ᑫᑯᓇᐣ ᑲᑭᐏᒋ ᑭᑫᐣᑕᓇᐣ ᐁᑿ ᒪᔭᒼ ᑲᐃᔑ ᐏᑕᒪᑫᒪᑲᑭᐣ ᐃᑵᓂᐘᐣ ᑲᐃᔑ ᐸᐯᔑᑿᑭᐣ᙮ (ᒪᑯᓇᒪᐣ ᐃᐍ ᒪᒪᑕᐘᐱᑯᐠ ᑲᐃᔑᒪᓯᓇᐦᐃᑲᑌᐠ ᐃᒪ ᓇᔑᔭᐦᐃ ᑲᐃᔓᓂᑯᐣ ᐃᐍᑎ ᑯᑕᑭᐠ ᑫᑯᓇᐣ ᑲᐃᔑᓇᑿᑭᐣ ᐅᑵᓂᐘᐣ᙮)
ᑲᑭᓇ ᐃᑵᓂᐘᐣ ᐅᐣᑌᕑᐃᐅ ᒥᓄᔭᐏᓂᐠ ᐅᐘᐍᓇᐦᒋᑫᐠ ᐅᒪ ᐊᔭᐘᐠ ᒋᐏᒋᐦᐃᑿ᙮ ᐅᐍ ᒪᒪᑕᐘᐱᑯᐠ ᐏᑕᒪᑫᐘᓯᓇᐦᐃᑲᐣ ᐁᑕᑿᐠ ᒥᔑᓂᐘᔦᐠ ᐃᔑᑭᔑᐍᐏᓂᐠ, ᐊᑎᐟ ᑭᑭᓄᐦᐊᒼᑫᐏᑲᒥᑯᐣ ᑲᐏᐣ ᐃᑐᐠ ᑭᑲᑭᐏᒋ ᑿᔭᑎᓇᒪᑯᓯᐣ ᐏᒋᐦᐃᐍᐏᓂᐠ ᐃᑵᓂᐘᐣ ᑲᑭᓇ ᐃᔑᑭᔑᐍᐏᓇᐣ᙮ ᑲᓄᐡ ᐊᐏᔭ ᐃᒪ ᑭᑭᓄᐦᐊᒪᑫᐏᑲᒥᑯᐠ ᒋᐏᒋ ᑭᑫᐣᑕᒪᐣ ᐃᑵᓂᐘᐣ ᐅᑎᓂᐍᑕᒪᑫᐏᓂᐘᐠ ᐘᐍᓇᐦᒋᑫᐘᓯᓇᐦᐃᑫᐏᓂᐠ᙮
- ᒐᒋᐡᑕᐦᐃᑫᐏᓂᐠ ᐅᓇᑕᐏᐦᐃᐍ
- ᐅᑕᐘᑲᐏ ᒪᐡᑭᑭᐏᓂᓂ
- ᒥᓯᑐᒪᐡᑭᑭᐏᓂᓂ
- ᐅᒪᒥᓄᓂᑲᓂᓂᑫᐠ
- ᐅᐸᔭᑲᐱᑌᓂᐍᐠ
- ᐅᐏᐱᑎᑫᐏᓂᓂᐘᐠ
- ᐅᒪᓇᐱᑌᐱᒋᑫᐠ
- ᐅᐏᐱᑎᑫᐠ
- ᒥᓄᔭᐏᐣ ᐏᓯᓄᓂᐠ ᐅᑕᓄᐦᑭᐠ
- ᐸᑲᐣ ᓇᑕᐏᐦᐃᐍᐏᓂᐠ ᒪᐡᑭᑭᐏᓂᓂ
- ᐘᐦᑲᐏᐏᓂᐠ ᒪᐡᑭᑭᐏᓂᓂᐘᐠ
- ᐏᔭᐏᐠ ᐅᓇᓇᔑᓂᑫᐠ
- ᒥᐢᑷᓂ ᑲᒣᒣᒋᑲᑐᐨ
- ᒪᐡᑭᑭᐏᓇᐠ ᐅᒪᓯᓇᑌᐱᒋᑫᐏᓂᓂ
- ᐅᐘᐸᒪᐘᓱᐠ
- ᓇᑐᑭᐍᒥᓄᔭᐏᓂᐠ ᓇᑕᐏᐦᐃᐍᐏᐣ
- ᒪᐡᑭᑭᐏᑵᐠ
- ᑲᑭᐍᐊᓄᐦᑭᐏᐦᐃᐍᐨ ᒪᐡᑭᑭᐏᓂᓂ
- ᐅᑐᐡᑭᔑᑿᐱᑯᐠᓂᑫᐏᓂᓂ
- ᐅᐡᑭᔑᑯᒪᐡᑭᑭᐏᓂᐘᐠ
- ᒪᐡᑭᑭᐣ ᑲᒥᑵᐘᐨ ᒪᐡᑭᑭᐏᓂᓂᐘᐠ ᐁᑿ ᒪᐡᑭᑭᐣ ᑲᐱᒥᑲᓇᐘᐸᑕᒧᐘᐨ
- ᒪᐡᑭᑭᐏᓂᐘᐠ ᐁᑿ ᐅᒪᒋᔑᑫᐠ
- ᒥᔭᐏᐠ ᐅᔕᔑᐱᑭᐱᒋᑫᐠ
- ᒪᒥᑐᓀᐣᒋᑫᐏᓂᐠ ᒪᐡᑭᑭᐏᓂᓂ ᐁᑿ ᒪᒥᑐᓀᐣᒋᑫᐏᓂᐠ ᐅᐏᒋᐦᐃᐍᐠ
- ᒪᒥᑐᓀᐣᒋᑫᐏᓂᐠ ᒪᐡᑭᑭᐏᓂᓂ
- ᐸᑭᑕᓇᒧ ᒪᐡᑭᑭᐏᓂᐘᐠ
- ᐊᔭᒧᐏᓂᐠ ᒪᐡᑭᑭᐏᓂᐘᐠ
- ᑲᔭᐡ ᒐᓂᐢ ᒪᐡᑭᑭᐏᓇᐠ ᐅᑕᓄᐦᑭᐠ
