ᑲᐃᔑᐸᑯᓭᐣᑕᑲᐧᐠ
ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᔑᐸᑯᓭᐣᒋᑫᒪᑲᐠ ᐊᐦᐃ ᒋᐱᒥᐃᐧᒋᑫᒪᑲᐠ ᑲᐃᔑᐃᐧᒋᐦᐃᐁᐧᒪᑲᑭᐣ ᐱᒧᒋᑫᐃᐧᓇᐣ ᐅᑫᐧᓂᐊᐧᐠ 26 ᒪᐡᑭᑭᐃᐧ ᐃᐧᒋᐦᐃᐁᐧᐃᐧᓇᐣ ᐅᒋ, ᒥᓇ ᒋᐃᐧᒋᑫᒪᑲᑭᐣ ᑲᔭᐸᑕᑭᐣ ᐅᑕᑯᓯᐠ ᑲᐅᒋᐃᐧᒋᐦᐃᔭᑲᓄᐊᐧᐨ, ᐁᑲᐧ ᑲᔦ ᐅᐣᑌᕑᐃᔪ ᐊᐃᐧᔭᐠ ᑫᐃᐧᓇᐊᐧ ᑫᐅᒋᐃᐧᒋᐦᐃᔭᑲᓄᐊᐧᐨ ᐃᐃᒪ ᒪᐡᑭᑭᐃᐧ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᒥᓇ ᑭᒋᒪᐡᑭᑭᐃᐧᓂᐊᐧᐠ ᑲᐅᒋᐱᒧᒋᑫᐊᐧᐨ᙮

ᐃᐃᒪ ᒪᒪᑕᐃᐧ ᐱᐊᐧᐱᑯᐠ
ᐁᑲᐧ ᐅᐅᐁᐧ ᑯᑭ ᐊᐸᒋᒋᑲᐣ ᑲᐃᒋᑲᑌᐠ ᐅᐅᒪ ᐃᐧᒋᑫᐃᐧᓇᐣ ᒪᒪᑕᐃᐧ ᐱᐊᐧᐱᑯᐠ ᐃᔑᐊᒋᑲᑌᐊᐧᓄᐣ ᐁᐦᐊᐠ ᐅᑭᐃᐧᑌᐠ ᒪᒪᑕᐃᐧ ᐱᐊᐧᐱᑯᓂ ᑲᔭᐸᒋᑐᐊᐧᐨ, ᐁᑲᐧ ᒥᓇ ᐅᑭᐃᐧᑌ ᑫᐅᒋᑭᑫᐣᑕᐠ ᑲᐃᔑᐊᑌᓂᐠ ᒪᒪᑕᐃᐧ ᐱᐊᐧᐱᑯᐠ ᒥᓇ ᐃᐧᓇᐱ ᑲᓇᐊᐧᐸᑕᐠ ᐃᐧᒋᑫᐃᐧᐣ᙮ ᐁᑲᐧ ᑯᑭᐢ ᓂᐃᐧᒋᐦᐃᑯᒥᐣ ᒋᐅᒋᑭᑫᐣᑕᒪᐠ ᒥᓇ ᒋᐅᒋᓇᓇᑲᒋᐦᐃᔭᔭᐠ ᐅᑭᐃᐧᑌᐠ, ᑲᔭᐸᒋᑐᐊᐧᐨ ᒪᒪᑕᐃᐧ ᐱᐊᐧᐱᑯᓂ, ᒥᓇ ᑲᐃᔑᓇᐦᐁᐣᑕᒧᐊᐧᐨ ᐃᐃᒪ ᑲᐃᓇᐱᐊᐧᐨ ᒪᒪᑕᐃᐧ ᐱᐊᐧᐱᑯᐠ ᒥᓇ ᐱᑯ ᐅᑎᔑᑭᔑᐁᐧᐃᐧᓂᐊᐧ ᑲᐊᐸᑕᓂᓂᐠ᙮ ᐁᑲᐧ ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᐅᑭᐃᐧᑌᐠ ᐁᑲ ᑲᓇᐁᐧᐣᑕᒧᐊᐧᐨ ᑯᑭᐢ ᐊᐸᒋᒋᑲᓇᐣ ᒋᐊᐸᑎᓯᓂᐨ ᑲᒪᐧᔦ ᐊᐸᒋᑐᐊᐧᐨ ᒪᒪᑕᐃᐧ ᐱᐊᐧᐱᑯᓂ, ᐊᒥᐁᐧ ᒥᐡᑯᐨ ᑫᐃᔑᓭᐠ ᐁᑲ ᐊᑎᐟ ᑫᑯᓇᐣ ᒋᒥᓄᓭᑭᐣ ᐃᐃᒪ ᒪᒪᑕᐃᐧ ᐱᐊᐧᐱᑯᐠ ᐅᓴᑦ ᐁᑲ ᐅᑫᐧᓂᐊᐧᐠ ᑯᑭᐢ ᑲᐊᐸᑎᓯᐊᐧᐨ᙮

ᑲᐃᓇᑌᐠ ᐁᑲ ᑫᐅᒋᒪᒥᔑᐅᓇᓂᐊᐧᐠ
ᐅᐅᐁᐧ ᐊᔭᑲᐧᒥ ᐃᐧᑕᒪᑫᐃᐧᐣ ᑲᑭᒋᐃᐧᒋᑫᒪᑲᐠ ᐁᐦᐊ ᑲᐸᑭᑎᓇᐠ ᐅᐣᑌᕑᐃᔪ ᒪᐡᑭᑭᐃᐧᓂ ᐱᒧᒋᑫᐃᐧᓇᐣ ᐅᐅᒪ ᐅᒋ ᐯᕑᑐᕑᐁᔑᐣ ᒪᐡᑭᑭᐃᐧ ᑭᒋᐱᒧᒋᑫᐃᐧᓂᐠ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᐅᐣᑌᕑᐃᔪ (FHRCO)᙮ ᐁᑲᐧ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᐁᑲᐧ ᐃᐧᒋᑫᐃᐧᓇᐣ ᑲᔭᑌᑭᐣ ᐊᐦᐃ ᐃᒋᑲᑌ “ᐊᔕ ᑲᑭᐅᓇᑌᐠ” ᓇᓇᑲ ᑲᐃᔑᐅᓇᒋᑲᑌᐠ, ᓇᐣᑕ ᑲᔦ ᓇᓇᑲ ᑲᐃᑭᑐᓇᓂᐊᐧᐠ᙮ ᐁᐅᒋᒪᒋᓭᐠ ᑫᑯᐣ ᑲᐧᓂᐣ ᐯᕑᑐᕑᐁᔑᐣ ᒪᐡᑭᑭᐃᐧ ᑭᒋᐱᒧᒋᑫᐃᐧᓂᐠ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᐅᐣᑌᕑᐃᔪ ᑕᐸᐸᒥᓯᓯᐣ ᐊᐃᐧᔭᐣ ᓇᐣᑕ ᔓᓂᔭᑫᐃᐧ ᐱᒧᒋᑫᐃᐧᓇᐣ ᐅᒋ ᒪᔭᑦ ᑲᐃᔑᓭᓂᐨ, ᒥᓇ ᐁᑲ ᒪᔭᑦ ᑲᐃᔑᓭᓂᐨ, ᑲᐃᓇᑭᓯᓂᐨ, ᑲᐱᒋᐃᔑᓭᓂᐨ, ᑲᐊᐧᐃᐧᑭᐊᐃᔑᓭᓂᐨ, ᓇᐣᑕ ᑲᐱᑯᓂᑲᑌᐠ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᒥᓇ ᑯᑕᑭᔭᐣ ᑲᐅᒋᓴᑭᓯᑭᐣ ᑲᐊᐃᓇᐱᓇᓂᐊᐧᐠ᙮

ᐁᑲᐧ ᒪᔭᑦ ᐃᐧᒋᑫᐃᐧᐣ ᑲᐸᑭᑎᓂᑲᑌᐠ
ᒥᐡᑕᐦᐃ ᓂᒪᒪᐃᐧ ᐊᓄᑲᑕᒥᐣ ᑲᐧᔭᐠ ᐃᐧᒋᑫᐃᐧᐣ ᒋᐸᑭᑎᓇᒪᐠ ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ᙮ FHRCO ᐱᒧᒋᑫᐃᐧᐣ ᑲᐃᐧᐣ ᑕᐸᐸᒥᓯᓯᐣ ᓇᐣᑕ ᑲᔦ ᐱᑯᓂᑫᐃᐧᐣ ᑲᐅᒋᑕᑲᐧᐠ ᓇᐣᑕ ᐊᐃᐧᔭ ᑲᐅᒋᐱᒋᐊᔭᐨ ᐅᐅᒪ ᐃᐧᒋᑫᐃᐧᓂᐠ ᑲᑭᐅᑎᓇᐠ, ᓇᐣᑕ ᑲᔦ ᐁᑲ ᑲᑭᐅᑎᓇᐠ ᐃᐧᒋᑫᐃᐧᐣ ᐃᐃᒪ ᒪᒪᑕᐃᐧ ᐱᐊᐧᐱᑯᐠ ᑲᔭᑌᓂᐠ᙮

ᓇᐸᐸᒋᑫᐃᐧᐣ ᑲᐃᓇᑌᐠ
ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᐱᑯᐊᐃᐧᔭᐠ ᒋᐊᐸᒋᑐᐊᐧᐨ᙮ ᑭᔭᑦ ᐱᑯ ᐊᓂᐣ ᐊᐧᐃᓇᐸᒋᑐᔭᐣ ᑲᑭᑐᑕᐣ ᒥᓇ ᐱᑯ ᓇᓇᑲ ᑲᐃᓇᐸᑕᐠ᙮ ᐁᑲᐧ ᑲᐧᓂᐣ ᒥᓇ ᑕᐸᑭᑎᓂᑲᑌᓯᓄᐣ ᒋᐊᑕᒋᑲᑌᐠ ᐊᔕ ᑭᐅᓇᑌ ᐊᓂᐣ ᑫᐃᔑᓇᑲᐧᐠ᙮

ᐸᑲᐣ ᑲᐅᒋᓴᑭᓯᑭᐣ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ
ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᒥᑫᐧᒪᑲᐣ ᑯᑕᑭᔭᐣ ᑲᐃᓇᐱᓇᓂᐊᐧᐠ 26 ᑲᐊᔭᑭᐣ ᒪᐡᑭᑭᐃᐧ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᐅᐅᒪ ᐅᐣᑌᕑᐃᔪ᙮ ᑲᐃᔑᐸᐯᔑᑲᐧᑭᐣ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᐃᐧᓇᐊᐧ ᐅᓇᑕᒪᓯᐊᐧᐠ ᐅᑐᓇᔑᐁᐧᐃᐧᓂᐊᐧ᙮ ᐁᑲᐧ ᑭᐡᐱᐣ ᐁᐃᔕᔭᐣ ᑯᑕᑭᔭᐣ ᑲᐅᒋᓴᑭᓯᑭᐣ ᐅᐅᒪ Ontariohealthregulators.ca ᑲᐃᓇᐱᓇᓂᐊᐧᐠ, ᑫᒋᓇᐨ ᐱᓇᒪ ᒋᑭᑫᐣᑕᒪᐣ ᐅᐅᒪ Ontariohealthregulators.ca ᑲᐃᓇᑌᐠ ᐅᓇᔑᐁᐧᐃᐧᐣ ᐁᑲ ᐯᔑᑲᐧᐣ ᐁᐃᓇᑌᑭᐣ ᑯᑕᑭᔭᐣ ᑲᐃᓇᐱᓇᓂᐊᐧᐠ᙮ ᑫᒋᓇᐨ ᐱᓇᒪ ᑲᐧᔭᐠ ᓇᓇᑲᒋᑐᐣ ᐅᓇᔑᐁᐧᐃᐧᓇᐣ ᑲᐃᓇᑌᑭᐣ ᐊᐱ ᐅᓀᐣᑕᒪᐣ ᐅᐅᒪ ᑲᐅᒋᓴᑭᓯᑭᐣ Ontariohealthregulators.ca ᐃᓇᐱᔭᐣ ᒥᓇ ᒋᐅᒋᓂᓯᑐᑕᒪᐣ ᐊᓂᐣ ᐅᑫᐧᓂᐊᐧᐣ ᒪᑕᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᑲᐃᒋᑲᑌᐠ ᒪᐊᐧᑐᓂᑫᐃᐧᐣ, ᑲᔭᐸᑕᐠ ᐁᑲᐧ ᑲᒪᒪᐃᐧ ᔭᐸᑕᐠ ᐃᐧᒋᑫᐃᐧᐣ᙮ FHRCO ᐱᒧᒋᑫᐃᐧᐣ ᑲᐃᐧᐣ ᒋᐸᐸᒥᓯᐨ ᐅᑫᐧᓂᐊᐧᐣ ᐅᓇᔑᐁᐧᐃᐧᓇᐣ ᑲᐃᓇᑌᓂᑭᐣ ᓇᐣᑕ ᑲᔭᑌᑭᐣ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᐅᐅᒪ ᐊᑲᐧᒋᔭᐦᐃᐠ Ontariohealthregulators.ca ᒪᒪᑕᐃᐧ ᐱᐊᐧᐱᑯᐠ᙮

ᑲᓇᓇᑲᒋᒋᑫᐨ ᐊᓄᑭᓇᑲᐣ
ᐁᑲᐧ Ontariohealthregulators.ca ᒪᒪᑕᐃᐧ ᐱᐊᐧᐱᑯᐠ ᑲᐊᔭᐠ ᐅᑭᐅᔑᑕᒪᐧᐊᐧᐊᐧᐣ ᐅᑫᐧᓂᐊᐧᐣ ᐯᕑᑐᕑᐁᔑᐣ ᒪᐡᑭᑭᐃᐧ ᑭᒋᐱᒧᒋᑫᐃᐧᓂᐠ ᑭᒋᑭᑭᓄᐦᐊᒪᑫᐃᐧᑲᒥᑯᐣ ᐅᐣᑌᕑᐃᔪ ᒥᓇ ᐅᑕᔭᐊᐧᐊᐧᐣ ᑲᑭᒋᓇᓇᑲᒋᒋᑫᐨ ᐊᓄᑭᓇᑲᐣ ᐊᒥᐅᐊᐧᐁᐧ ᑫᑲᓄᓇᑲᓄᐃᐧᐨ ᑭᐡᐱᐣ ᑫᑯᐣ ᒪᒥᑎᓀᐣᑕᒥᐦᐃᑯᔭᐣ, ᐃᐧᓂᓯᑐᑕᒪᐣ ᓇᐣᑕ ᐁᑲᐧ ᑲᐧᔭᐠ ᐁᐃᓇᐸᒋᒋᑲᑌᐠ ᐅᓇᔑᐁᐧᐃᐧᐣ. ᐅᐅᒪ ᐃᔑᑭᑐᐣ ᒥᓇ ᐃᔑᒪᓯᓇᐦᐃᑫᐣ:

ᑲᓂᑲᓂᐡᑲᐠ ᑲᓇᓇᑲᒋᒋᑫᐨ ᐊᓄᑭᓇᑲᐣ
Federation of Health Regulatory Colleges of Ontario
Suite 301 – 396 Osborne St, PO Box 244
Beaverton ON  L0K 1A0
Local: (416) 493-4076
Fax: (866) 814-6456
E-mail: [email protected]