This is how Ontario health regulators protect the public:

  • ᓂᑐᓇᑐᒥᓇᐣ ᐸᑯᓭᐣᒋᑫᐃᐧᓇᐣ ᐊᓂᐣ ᐅᐊᐧᐁᐧ ᒪᐡᑭᑭᐃᐧ ᐊᓄᑭᓇᑲᐣ ᑫᐃᔑᐸᑯᓭᐣᑕᑯᓯᐨ ᐅᐅᒪ ᐅᐣᑌᕑᐃᔪ᙮ ᐅᑫᐧᓂᐊᐧᐠ ᐁᑕ ᑲᑌᐱᓇᒧᐊᐧᐨ ᒋᒪᐡᑭᑭᐃᐧ ᐊᓄᑭᑕᒪᑫᐊᐧᐨ ᒥᓇ ᑲᒧᐡᑭᓀᐱᐦᐃᑲᓱᐊᐧᐨ ᐁᑕ ᒋᐊᓄᑭᑕᒪᑫᐊᐧᐨ᙮
  • ᓂᑐᓇᑐᒥᓇᐣ ᒥᓇ ᐊᓂᐣ ᑫᐃᔑᐸᑯᓭᐣᑕᑲᐧᐠ ᐅᐅᐁᐧ ᒪᐡᑭᑭᐃᐧ ᐱᒧᒋᑫᐃᐧᐣ ᒥᐡᑯᐨ ᑲᐧᔭᐠ ᑭᑐᑕᑯᔭᐣ ᒥᓇ ᑭᑎᐯᐣᒋᑫᐃᐧᐣ ᐅᑫᐧᓂᐊᐧᐠ ᐅᑕ ᒪᐡᑭᑭᐃᐧᓂᐊᐧᐠ ᑲᑌᐱᓇᒧᐊᐧᐨ ᒋᐊᓄᑭᑕᒪᑫᐊᐧᐨ᙮
  • ᓂᑕᔭᒥᓇᐣ ᒥᓇ ᒪᐡᑭᑭᐃᐧ ᐱᒧᒋᑫᐃᐧᓇᐣ ᐅᑫᐧᓂᐊᐧᐠ ᒪᐡᑭᑭᐃᐧ ᐊᓄᑭᓇᑲᓇᐠ ᐊᐊᐧᔑᒣ ᑫᐅᒋᑭᑫᐣᑕᒧᐊᐧᐨ ᐅᑕᓄᑭᐃᐧᓂᐊᐧ ᒥᓇ ᐊᐊᐧᔑᒣ ᒋᐱᒥᐊᓄᑲᑕᒧᐊᐧᐨ ᒥᐡᑯᐨ ᑲᐧᔭᐠ ᒋᑐᑕᒧᐊᐧᐨ ᒥᓇ ᑲᐧᔭᐠ ᒋᐃᐧᒋᐦᐃᐁᐧᐊᐧᐨ ᒣᑲᐧᐨ ᑲᐱᒥᒪᐡᑭᑭᐃᐧ ᐊᓄᑭᑕᒪᑫᐊᐧᐨ᙮
  • ᓂᐸᑭᑎᓇᒥᐣ ᒥᓇ ᒪᐡᑭᑭᐃᐧᓂᐊᐧᐠ ᑲᒪᓯᓇᐦᐃᑲᓯᐊᐧᐨ ᐅᐅᒪ ᒋᐅᒋᑭᑫᐣᑕᒪᐣ ᑭᐡᐱᐣ ᑭᒪᐡᑭᑭᐃᐧᓂᒪᐠ ᑌᐱᓭᐊᐧᑫᐧᐣ ᒋᒪᐡᑭᑭᐃᐧ ᐊᓄᑭᑕᒪᑫᐊᐧᐨ᙮
  • ᓂᐸᑭᑎᓂᑎᓯᒥᐣ ᑭᐡᐱᐣ ᐃᐧᒋᐦᐃᐁᐧᐃᐧᐣ ᓇᑕᐁᐧᐣᑕᒪᐣ ᑭᐡᐱᐣ ᐁᐃᐧᐸᑭᑎᓇᒪᐣ ᑲᒪᒥᑎᓀᐣᑕᒥᐦᐃᑯᔭᐣ ᓇᐣᑕ ᑲᐃᐧᐸᑭᑎᓇᒪᐣ ᑭᑎᑭᑐᐃᐧᐣ ᐅᐊᐧᐁᐧ ᐅᒋ ᑭᒪᐡᑭᑭᐃᐧᓂᑦ᙮

ᐁᑲᐧ ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ ᓇᑲᐧᓄᐣ ᐃᐧᒋᐦᐃᐁᐧᐃᐧᓇᐣ ᑲᐃᔑᐸᐯᔑᑲᐧᐠ ᑭᒋᑭᑭᓄᐦᐊᒪᑫᐃᐧᑲᒥᑯᐣ:

ᒐᐸᔑᐢ ᒪᓯᓇᐦᐃᑲᑌᐊᐧᐣ ᒪᒪᑕᐃᐧ ᐱᐊᐧᐱᑯᐠ 26 ᐅᐣᑌᕑᐃᔪ ᒪᐡᑭᑭᐃᐧ ᐱᒧᒋᑫᐃᐧᓇᐣ᙮ ᐊᒥᐅᒪ ᑫᐅᒋᐸᔦᑌ ᐊᐧᐸᑕᒪᓂᐣ ᒥᓇ ᑫᐅᒋᑭᑫᐣᑕᒪᐣ ᐊᓂᐣ ᐁᐃᓇᓄᑭᒪᑲᑭᐣ ᑲᐃᔑᐸᐯᔑᑲᐧᑭᐣ᙮ (ᒪᒪᑯᐁᐧᐱᓇᐣ ᓇᓇᑲ ᑲᒪᓯᓇᐦᐃᑲᑌᑭᐣ ᒐᐸᔑᐢ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ, ᐁᑲ ᐅᑕ ᑲᔦ ᑲᐊᔭᑭᐣ ᐃᐃᐁᐧ ᒪᔭᑦ ᑲᐃᔑᑭᔑᐁᐧᔭᐣ᙮)