ᐁᑲᐧ ᐊᐱᐣ ᐁᐊᐧᐸᒥᐠ ᒥᓇ ᐁᐃᐧᓇᓇᑲᒋᐦᐃᐠ ᒪᐡᑭᑭᐃᐧ ᐊᓄᑭᓇᑲᐣ ᐅᐅᒪ ᐅᐣᑌᕑᐃᔪ, ᐊᒥᐁᐧ ᐅᑫᐧᓂᐊᐧᐣ ᒋᐸᑯᓭᐣᑕᒪᓂᐣ ᑭᒪᐡᑲᐃᐧᒋᐦᐃᑯᐃᐧᓇᐣ:

• ᑲᑭᒪᑲᐊᐧ ᐃᐃᒪ ᐃᐧᒋᑫᐃᐧᓂᐠ ᐅᐊᐧᐁᐧ ᑭᒪᐡᑭᑭᐃᐧᓂᑦ ᒥᓇ ᑭᒪᐡᑭᑭᐃᐧ ᐊᓄᑭᓇᑲᐣ ᐅᐅᒪ ᒪᒪᑕᐃᐧ ᐱᐊᐧᐱᑯᐠ ᑲᐃᔑᒧᐡᑭᓀᐱᐦᐃᑲᓱᐨ ᐊᐦᐃᐠ ᒪᐡᑭᑭᐃᐧ ᐱᒧᒋᑫᐃᐧᓂᐠ ᒪᒪᑕᐃᐧ ᐱᐊᐧᐱᑯᐠ᙮
• ᐁᑲᐧ ᑲᔦ ᑭᒪᐡᑭᑭᐃᐧᓂᑦ ᑲᐧᔭᐠ ᒋᐃᐧᑕᒪᐃᐧᐠ ᐊᓂᐣ ᑫᐃᔑᓇᑕᐃᐧᐦᐃᐠ ᓇᐣᑕ ᑲᔦ ᑫᐃᔑᓇᓇᑲᒋᐦᐃᐠ᙮
• ᐁᑲᐧ ᒥᓇ ᑭᒪᐡᑭᑭᐃᐧᓂᑦ ᑲᐃᐧᑕᒪᐠ ᐊᓂᐣ ᒥᓂᑯᐠ ᑫᑎᐸᐦᐃᑫᔭᐣ ᒥᓇ ᑫᐃᓇᑭᑌᐠ ᑭᐃᐧᒋᐦᐃᑯᐃᐧᐣ᙮
• ᑭᐣ ᐱᑯ ᑫᐃᓀᐣᑕᒧᐊᐧᓀᐣ ᑭᔭᑦ ᒋᓇᑕᐃᐧᐃᐦᐃᑯᔭᐣ ᓇᐣᑕ ᑲᔦ ᐁᑲ ᑕᑲᐨ ᒋᓇᑕᐃᐧᐃᐦᐃᑯᔭᐣ᙮
• ᑭᔭᑦ ᐱᑯ ᑲᑫᐧᑌᐣ ᓇᐣᑕ ᑲᔦ ᒋᐃᐧᑕᒪᓂᐣ ᑲᒪᒥᑎᓀᐣᑕᒥᐦᐃᑯᔭᓂᐣ᙮
• ᒥᓇ ᐱᑯ ᓂᐃᐧᑕᓄᑭᒪᑲᓂᓇᐣ ᑲᐃᔑᑲᓇᐊᐧᐸᒥᑯ ᐅᓀᐣᑕᒪᐣ ᐅᐅᒪ ᑭᒪᐡᑭᑭᐃᐧ ᐃᐧᒋᐦᐃᑯᐃᐧᓂᐠ ᐅᒋ᙮
• ᒥᓇ ᐱᑯ ᑫᒋᓇᐨ ᑲᒥᓂᑯ ᓇᑕᐃᐧᒋᐦᐃᐁᐧᐃᐧᐣ ᑭᑎᓇᐱᓀᐃᐧᐣ ᒥᓇ ᑭᑎᔑᔭᐃᐧᐣ ᐅᒋ᙮
• ᒥᓇ ᑲᐊᔭᑲᐧᒥᓂᑯ ᑭᑕᐃᐧᐃᐦᑯᐃᐧᐣ ᐅᒋ᙮
• ᒥᓇ ᑭᒋᐃᓀᓂᒧᐁᐧᐃᐧᓂᐠ ᐁᑲᐧ ᓂᓯᑐᑕᒪᐃᐧᓂᐠ ᑲᐅᒋᓇᑕᐃᐧᐦᐃᑯ᙮
• ᒥᓇ ᐃᐧᒋᑫᐃᐧᐣ ᑲᐊᔭᐣ ᐊᓂᐣ ᑫᑐᑕᒪᐣ ᐊᐱᐣ ᑭᑎᔑᔭᐃᐧᐣ ᐅᒋᐊᑎᓭᐠ ᓇᐣᑕ ᐊᐊᐧᔑᒣ ᐊᐱᐣ ᐅᒋᑭᒋᐊᑯᓯᔭᐣ᙮
• ᐁᑲᐧ ᑭᒪᐡᑭᑭᐃᐧ ᑎᐸᒋᒥᑯᐃᐧᐣ ᒪᐊᐧᐨ ᑕᔭᑯ ᑲᓇᐁᐧᐣᒋᑲᑌ᙮
• ᑭᔭᑦ ᑲᓄᐡ ᐅᐣᑌᕑᐃᔪ ᒪᐡᑭᑭᐃᐧ ᐱᒧᒋᑫᐃᐧᐣ ᒋᐊᓂᒧᑕᒪᐊᐧᐨ ᑲᒪᒥᑎᓀᐣᑕᒥᐦᐃᑯᔭᐣ ᓇᐣᑕ ᑲᐃᐧᐸᑭᑎᓇᒪᐣ ᑭᑎᑭᑐᐃᐧᐣ᙮

ᒪᑯᐁᐧᐱᓇᐣ ᒐᐸᔑᐢ ᒪᐡᑭᑭᐃᐧ ᐊᓄᑭᓇᑲᐣ ᑲᒪᓯᓇᐦᐃᑲᓱᐨ ᒋᒥᑲᐊᐧᐨ ᑲᒧᐡᑭᓀᐱᐦᐃᑲᓱᐨ ᑭᒋᒪᐡᑭᑭᐃᐧ ᐊᓄᑭᓇᑲᐣ: (ᒪᒪᑯᐁᐧᐱᓇᐣ ᓇᓇᑲ ᑲᒪᓯᓇᐦᐃᑲᑌᑭᐣ ᒐᐸᔑᐢ ᒪᒪᑕᐃᐧ ᐱᐊᐧᐱᑯᐠ ᑲᐃᓇᐱᓇᓂᐊᐧᐠ, ᐁᑲ ᐅᑕ ᑲᔦ ᑲᐊᔭᑭᐣ ᐃᐃᐁᐧ ᒪᔭᑦ ᑲᐃᔑᑭᔑᐁᐧᔭᐣ᙮)

• ᒋᐡᑕᐦᐃᑲᓇᐣ ᑲᔭᐸᒋᑐᐨ ᒪᐡᑭᑭᐃᐧᓂᐊᐧᐠ
• ᐅᑕᐊᐧᑲᐃᐧ ᒪᐡᑭᑭᐃᐧᓂᐊᐧᐠ
• ᒥᓯᐟ ᒪᐡᑭᑭᐃᐧᓂᐊᐧᐠ
• ᐅᔑᐱᑭᐱᒋᑫᐃᐧ ᒪᐡᑭᑭᐃᐧᓂᐊᐧᐠ
• ᐅᑭᓴᐱᑌᐱᒋᑫᐃᐧ ᒪᐡᑭᑭᐃᐧᓂᐊᐧᐠ
• ᒪᒪᑕᐃᐧ ᐱᐊᐧᐱᑯ ᐅᒪᓇᐱᑌᐱᒋᑫᐃᐧ ᒪᐡᑭᑭᐃᐧᓂᐊᐧᐠ
• ᐅᒪᓇᐱᑌᐱᒋᑫᐠ
• ᐃᐧᐱᑎᑲᓇᐣ ᑲᐅᔑᔭᐊᐧᐨ
• ᑲᐧᔭᐠ ᑲᐃᓇᒋᑲᓂᐊᐧᐠ ᒪᐡᑭᑭᐃᐧᓂᐊᐧᐠ
• ᑭᒋᒪᐡᑭᑭᐣ ᑲᒥᑫᐧᐊᐧᐨ
• ᑲᐊᐧᐊᐧᑲᐃᐧᓇᓂᐊᐠ ᒪᐡᑭᑭᐃᐧᓂᐊᐧᐠ
• ᑲᒪᒪᑯᒋᓂᑫᐊᐧᐨ ᒪᐡᑭᑭᐃᐧᓂᐊᐧᐠ
• ᐊᑯᓱᐃᐧᓇᐣ ᑲᓇᓇᑲᒋᑐᐊᐧᐨ ᒪᐡᑭᑭᐃᐧ ᐊᓄᑭᓇᑲᓇᐠ
• ᒪᐡᑭᑭᐃᐧ ᐅᔕᐸᐧᑌᐱᒋᑫᐠ ᐊᓄᑭᓇᑲᓇᐠ
• ᑲᐅᑕᐸᓇᐊᐧᓯᐊᐧᐨ
• ᒪᐡᑭᑭᐃᐧ ᓇᑕᐃᐧᐦᐃᑎᓱᐃᐧᐣ
• ᒪᐡᑭᑭᐃᐧᑫᐧᐠ
• ᑲᐃᐧᒋᐦᐃᔭᐊᐧᐨ ᐅᑕᑯᓯᐣ ᒪᐡᑭᑭᐃᐧᓂᐊᐧᐠ
• ᑲᐅᓇᐸᑕᒧᐊᐧᐨ ᐅᐡᑭᔑᑯᑲᓇᐱᑯᐣ
• ᐅᐡᑭᔑᑯᐃᐧ ᒪᐡᑭᑭᐃᐧᓂᐊᐧᐠ
• ᒪᐡᑭᑭᐣ ᑲᐅᓂ ᒥᑫᐧᐊᐧᐨ
• ᑭᒋᒪᐡᑭᑭᐃᐧᓂᐊᐧᐠ ᐁᑲᐧ ᐅᒪᒋᔑᑫᐠ
• ᑲᐃᐧᒋᐦᐃᔭᐊᐧᐨ ᑲᑭᐃᐧᓴᑭᔑᓂᓂᐨ ᒪᐡᑭᑭᐃᐧᓂᐊᐧᐠ
• ᒪᒥᑎᓀᐣᒋᑲᓂᐠ ᑲᐃᐧᒋᐦᐃᐁᐧᐊᐧᐨ ᒪᐡᑭᑭᐃᐧᓂᐊᐧᐠ
• ᒪᒥᑎᓀᐣᒋᑫᐊᐧᐱᓀᐃᐧᐣ ᒪᐡᑭᑭᐃᐧᓂᐊᐧᐠ
• ᐸᑭᑕᓇᒧᐊᐧᐱᓀᐃᐧᐣ ᒪᐡᑭᑭᐃᐧᓂᐊᐧᐠ
• ᐁᑲ ᑲᓂᑕᐁᐧᓂᐨ ᑲᐃᐧᒋᐦᐃᔭᐊᐧᐨ ᒪᐡᑭᑭᐃᐧᓂᐊᐧᐠ
• ᓇᑐ ᒐᔭᓂᐡ ᐊᓂᔑᓂᐊᐧᐠ ᐅᒪᐡᑭᑭᐃᐧᓂᒥᐊᐧ ᒪᐡᑭᑭᐃᐧᓂᐊᐧᐠ